ՀՀ դեսպան Վահրամ Կաժոյանի աշխատանքային այցը Ֆու Թո նահանգ։

09 օգոստոսի, 2023

Ս․թ․ օգոստոսի 9-ին ՎՍՀ-ում ՀՀ դեսպան Վահրամ Կաժոյանն աշխատանքային այցով գտնվում էր Վիետնամի Ֆու Թո նահանգում։

Աշխատանքային այցի շրջանակներում դեսպան Կաժոյանը հանդիպեց Ֆու Թո նահանգի Ժողովրդական կոմիտեի նախագահի տեղակալ Ֆան Չոնգ Տանի հետ։

Հանդիպման ընթացքում կողմերը քննարկեցին Հայաստանի և Վիետնամի միջև երկուստեք հետաքրքրություն ներկայացնող ոլորտներում, Հայաստանի մարզերի և Վիետնամի նահանգների՝ մասնավորապես Ֆու Թո նահանգի միջև առևտրա-տնտեսական, արդյունաբերական, զբոսաշրջային և մշակութային ոլորտներում համագործակցության զարգացման ու խորացման հնարավորությունները, մտքեր փոխանակեցին տարածաշրջաններում ստեղծված ներկայիս իրավիճակի վերաբերյալ և այլ հարցեր։

Դեսպան Կաժոյանը ներկայացրեց Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ծանրագույն իրավիճակը։

Ֆու Թո նահանգի Վիետնամի Ժողովրդական կոմիտեի նախագահի տեղակալ պարոն Ֆան Չոնգ Տանը ներկայացրեց նահանգի առավել զարգացած ոլորտները՝ հավելելով, որ նահանգի ուշադրության կենտրոնում էկոհամակարգի վերականգնման և զբոսաշրջության ոլորտների զարգացումը, որի շնորհիվ նահանգը գրավում է օտարերկրյա ներդրողների ուշադրությունը: Պարոն Տանը հանձնարարեց նահանգի արտաքին գործերի, ծրագրավորման և ներդրումների դեպարտամենտներին և այլ գործակալություններին սերտորեն համագործակցել Հայաստանի դեսպանության հետ և վերահաստատեց, որ Ֆու Թո նահանգը բարենպաստ պայմաններ կստեղծեն օտարերկրյա այդ թվում հայկական ձեռնարկությունների համար ներդրումների օրենքի դրույթների շրջանակներում, որոնք ներդրումներ կկատարեն նահանգում։

Ֆու Թո նահանգ կատարած աշխատանքային այցի շրջանակներում տեղի ունեցած հանդիպմանը դեսպան Կաժոյանին ուղեկցում էր ՀՀ դեսպանի օգնական տիկին Նգույեն Թան Տամը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր